Поврзете се со нас

Англија

Доку излезе со прва изјава за стартот кој ги разбесни фановите на Ливерпул: Сфаќам зошто бараа пенал, но…..

Објавено

на

Жереми Доку ја игра својата прва сезона во Премиер лигата и се уште се адаптира на условите по кои е препознатлива англиската елита, но и Белгиецот многу брзо дозна дека судиите имаат различни критериуми за одредени акции.

Доку се најде во центарот на вниманието на последното дерби на „Енфилд“ кое го одиграа Ливерпул и Манчестер Сити, бидејќи длабоко во судиското продолжение имаше еден невнимателен старт, за кој вистинско чудо е како мина без најстрога казна.

Судијата Оливер процени дека нема доволно елементи за пенал и покрај тоа што крампоните на Доку завршија во градите на МакАлистер, па иака имаше кратка ВАР проверка, на крајот не се досуди пенал и на сила остана првата одлука.

Јирген Клоп не го криеше незадоволството по ремито со Сити и нагласи дека таа ситуација ја толкуваат како пенал сите луѓе кои барем еднаш играле фудбал во животот, но иако од тогаш поминаа повеќе од две недели, Доку и со ладна глава смета дека судијата ја донел вистинската одлука.

Белгиецот првпат се огласи за овој инцидент од својата земја, а на тамошните новинари им порачал дека имал и малку среќа во дадената ситуација.

– Тоа беше ризичен старт од моја страна и јасно е дека можев да се справам поинаку. И покрај се, јас и натаму верувам дека тоа не беше пенал. Свесен сум дека други судии можеа да го толкуваат поинаку, но не беше досуден пенал и имав среќа.

– Знам дека прегледуваа во ВАР, но за мене тоа не беше пенал. Истовремено, сфаќам зошто некои луѓе се бесни и сфаќам зошто фановите на Ливерпул сметаат дека беше пенал, – вели Доку.

Реклама
Реклама
Реклама

Популарни