Договори нов ангажман: Ларс Коиј си заминува од Вардар

Холандскиот репрезентативец Ларс Коиј ќе си замине од редовите на Вардар 1961 по крајот на оваа натпреварувачка сезона.

Коиј пристигна во таборот на „црвено-црните“ пред стартот на тековнава кампања и се покажа во одлично светло на домашната сцена, во Европската Лига на ЕХФ, но и имаше добар настап за Холандија на Светското првенство, а со тоа го привлече вниманието и си обезбеди нов ангажман.

Тој се враќа во Германија и ќе биде дел од составот на  Бергишер кој интересно во моментов се натпреварува во втората лига со тоа што има амбиции да се врати во елитата.кру

-Многу сум среќен што од следната сезона ќе бидам дел од семејството на БХЦ. Одлуката да се приклучам на клубот ми беше лесна – разговорите беа одлични од самиот почеток и брзо сфатив дека тоа е вистинскиот чекор за мене. Сега со нетрпение очекувам да се развивам понатаму со тимот и се надевам дека ќе славам многу успеси. Особено се радувам на навивачите и на атмосферата во салата, -порача кружниот напаѓач кој доби договор до 2027 година.