Додавање какво ретко се гледа: Генијалниот трик на Бонифасе ги воодушеви и луѓето од УЕФА (Видео)

Баер Леверкузен покажа дека неслучајно е дел од фудбалската елита на гостувањето во Ротердам, бидејќи актуелниот германски првак целосно го размонтира Феенорд во воведната рунда во Лигата на шампионите.

Враќањето во најквалитетното фудбалско натпреварување во Европа често знае да биде тешко за одредени екипи, но така не беше случајот со тимот на Чаби Алонсо кој со уверливи 0:4 славеше на „Де Кујп“.

Интересно, сите четири гола беа постигнати во првото полувреме, но еден се издвои поради магијата која ја режираше Виктор Бонифасе во зачетокот на акцијата.

Напаѓачот на Баер Леверкузен режираше генијален трик и комплетно ги збуни противниците, па откако мајсторски ја проследи топката до Фримпонг, во продолжение следеше додавање од крилото до Грималдо кој зголеми на 0:2.

Оваа акција дојде до израз поради трик-пасот на Бонифасе, а магијата беше издвоена како потег и од страна на УЕФА.

За Бонифасе ова беше деби настап во Лигата на шампионите, па по крајот на истиот не го криеше и своето воодушевување за остварување на детскиот сон.

– Од плаќање на 30 нигериски наири за да гледам Лига на шампиони, до деби во најелитното натпреварување. Горд сум на овој момент, – порача Бонифасе.