Добра ждрепка за Ристовски и Адеми, Мурињо има тежок пат до ЛШ (Фото)

Динамо Загреб како хрватски шампион има место во завршната бараж фаза за влез во Лигата на шампионите, а популарните „модри“ денеска дознаа од кој двомеч ќе го добијат ривалот во завршната рунда.

Ждрепката која денеска се одржа во Нион ги одреди сите потенцијални парови за плејофот, со тоа што Динамо имаше среќа поради фактот што го избегне Галатасарај.

Извлекувањето беше поволно за Стефан Ристовски и Аријан Адеми, бидејќи тие двајца заедно со соиграчите ќе играат против подобриот од Карабах и Лудогорец.

Иако третата квалификациска рунда уште не е завршена, УЕФА го комплетираше извлекувањето уште пред да бидат одиграни натпреварите кои се на програмата утре, по што може слободно да се заклучи дека Жозе Мурињо како тренер има доста тежок пат до главниот турнир на најелитното натпреварување.

Фенербахче во третото коло треба да го мине Лил, а дури потоа да размислува за потенцијален двомеч со Славија Прага или Унион Сент Жилоа.

Play-off round draw set ✅

⚽️ Match dates: 20/21 & 27/28 August#UCLdraw | #UCL pic.twitter.com/ERd9eK259O

— UEFA Champions League (@ChampionsLeague) August 5, 2024