Поврзете се со нас

Свет

Добра вест за репрезентативецот: Велковски си пронајде нов клуб (Фото)

Објавено

на

Foto:facebook.com/NYSFC

Дарко Велковски остава зад себе непријатен период во кој доста време си бараше нов клуб, но денеска пристигна информација дека македонскиот репрезентативец конечно пронашол нова средина.

Стоперот во изминатите шест месеци единствените настапи ги имаше како член на националниот тим кој го води Благоја Милевски, но сега за новите предизвици кои следат од март може да се бори за место како играч со натпреварувачки ритам.

Унгарскиот клуб Нирегихаза Спартак ова попладне соопшти дека му понудил договор на Македонецот за соработка до крајот на сезоната, со опција истиот да биде продолжен.

– Мислам дека унгарското првенство е многу добро, а клубот располага одлична инфраструктура и модерен стадион.

– Би сакал да одиме напред во поредокот, сакам да му помогнам на Спарта да ја оствари својата цел. Ми се допаѓаат целите на раководните луѓе, како и стилот на игра кој ми беше претставен од стручниот штаб. Среќен сум што кариерата ја продолжувам во овој клуб, – гласи изјавата на Велковски.

Нирегихаза Спартак се бори за опстанок во елитата, па јасно е дека цел на Велковски и неговите нови соиграчи ќе биде да избегнат испаѓање во Втора лига.

Advertisement
Advertisement

Италија

Advertisement

Популарни