Доаѓањето на Маласија ќе значи крај за еден играч на Манчестер Јунајтед

Веќе станува јасно дека младиот фудбалер и новопечен холандски репрезентативец, Тајрел Маласија е многу блиску до трансфер во Манчестер Јунајтед.

Од неговиот клуб Феенорд потврдија дека се договориле со „ѓаволите“ за висината на трансфер обесштетувањето, а сега останува само играчот да ги договори деталите за неговите лични примања.

Доаѓањето на Маласија кој е лев бек и дефинитивно ќе значи крај за еден од бековите кои во моментов ги има Манчестер Јунајтед.

Според најавите, Алекс Телеш ќе биде „жртвеното јагне“ и Манчестер Јунајтед ќе ги слуша понудите кои ќе стигнат на нивна адреса за бразилскиот репрезентативец.

Телеш дојде како засилување на „Олд Трафорд“, но не успеа да остави баш најдобар впечаток, иако имаше моменти во кои играше одлично и постигнуваше прекрасни погодоци, но сепак не беше константен, па било одлучено тој да биде продаден ова лето.