Дивац нема дилеми кој е најдобар европски играч на сите времиња: Бројките никогаш не лажат

Владе Дивац своевремно беше еден од најдобрите играчи од овие простори и својата кариера ја бранеше во НБА лигата, натпреварување во кое успеа да го докаже својот квалитет во Лејкерс, но и Сакраменто.

Легендарниот Србин е тесно поврзан со кошарката и по крајот на играчката кариера и ги следи сите случувања во Европа и Америка, па според него, веќе не постојат дилеми за тоа кој е најголем играч од стариот континент на сите времиња.

Никола Јокиќ веќе со години наназад е најдобар светски играч, дури три пати беше избран за МВП во НБА лигата, па за Дивац тоа се доволно добри аргументи за да биде прогласен за најдобар во Европа.

– Дали Јокиќ уште сега е најдобар европски играч на сите времиња? Бројките никогаш не лажат. Бројките велат дека тој е најдобар.

– Резултатите се тие што диктираат, целата основа на спортот се резултатите. Поради тоа, мислам дека веќе нема дилеми за Јокиќ. Тој е најдоброто што излегло од Европа, – вели Дивац во интеврјуто за хрватски „Индекс“.