Дисциплинската комисија донесе одлуки: Васовски и Донев во „аут“ по еден натпревар

Дисциплинската комисија при Фудбалска федерација на Македонија (ФФМ) донесе одлуки за повеќе настани, случаи во Првата и Втората македонска лига.

Иако дел од медиумите најавија дека тренерот на Силекс, Александар Васоски ќе биде санкциониран еден месец поради неговото однесување по мечот со Вардар на крајот тој заработи казна од едне меч исто како и Илија Донев кој поцрвене на истиот натпревар.

Иста такна суспензија од еден натпревар заработија Бесмир Даци (ФК Шкупи) и Константин Чешмеџиев (ФК Гостивар), а пак поголема казна од две средби добија Мартин Ѓоргиевски (ФК Брера А.П.), Блаже Јанакиевски (шеф на стручен штаб на ФК Башкими) и Љупчо Симовски (тренер на ФК Осогово).

Исто така дисциплинците поведоа постапки против Башкими и Вардар поради користење и фрлање во терен пиротехнички средства на пресметките со Охрид, односно Силекс.