Дисциплинците ја одредија казната за црвениот картон на Жиру

Дисциплинската комисија на Серија А ги донесе одлуките за суспензиите на фудбалерите, тренерите и официјалните лица, а конечно стана јасно и каква казна ќе добие Оливие Жиру.

Французинот доби два жолти картони на дуелот со Лече, но поради конфликтот со судијата ризикуваше подолга суспензија, за на крајот да биде решено напаѓачот да ги пропушти следните две средби во италијанскиот шампионат.

Тоа значи дека Стефано Пиоли нема да смета на голгетерот на дуелите со Фиорентина и Фрозиноне на домашен терен.

Голем број раководни лица и членови на стручниот штаб на Лече се казнети парично и со суспензии поради протестите кон официјалните лица по поништениот гол во завршницата на мечот.

Поради акумулирани ж0лти картони ќе бидат суспендирани пет фудбалери, а најзначајно ќе биде отсуството на Луис Алберто во редовите на Лацио.

Еден натпревар суспензија добиле и Лука Раниери, Мартен Де Рон, Давиде Фараони и Илбер Рамадани.