Дисциплицните ја исправија неправдата: Антони ќе може да игра против Реал, дозна за тоа на тренингот (Видео)

Антони брзо се адаптираше на шпанскиот фудбал и почна да ги прикажува своите најдобри игри, оние на кои навикнавме од времето кога доминираше во Ајакс.

Бразилскиот фудбалер брилјираше и на последниот натпревар со Хетафе и имаше величествена соло акција пред да му намести гол на Иско, но на крајот натпреварот го заврши со лош впечаток поради добиен црвен картон.

Судија без размислување го исклучи офанзивниот фудбалер поради старт од зад грб, но бидејќи повторените снимки не покажаа дека има било каков контакт со противничкиот играч, дисциплинците сега решија да го помилуваат Бразилецот.

Суспензијата за зимското засилување на Бетис е повлечена и Антони ќе може да настапи веќе на следниот меч во Ла Лига, а тоа ќе биде големото дерби со Реал Мадрид.

Оваа вест прв ја објави Бетис, но клубот реши да ја долови и првата реакција на Антони откако дознал дека ќе може да игра против Реал оваа сабота.

𝑬𝒍 𝒎𝒐𝒎𝒆𝒏𝒕𝒐… 👀👌

Así se enteraba @antony00 de que podrá jugar el #RealBetisRealMadrid de este sábado 💪🇧🇷

Quédate viendo el vídeo hasta el final 🤣🔚 pic.twitter.com/ZiRKj4X9MI

— Real Betis Balompié 🌴💚 (@RealBetis) February 26, 2025