Директорот на Хајдук: Трајковски доби подобри финансиски понуди, но покажа карактер и потпиша за нас

Стандардниот македонски репрезентативец, Александар Трајковски ја продолжува кариерата во Хрватска и тоа во еден од најдобрите клубови, актуелен лидер во шампионатот, тимот на Хајдук.

Трајковски на посебен начин промовиран во Хајдук: It’s never too late…(ВИДЕО)

Трајковски стави потпис на договорот до 2025 година со опција истиот да може да биде продолжен за уште една сезона. Напаѓачот беше задоволен што доаѓа во оваа средина, но истото важи и за самиот клуб кој обелодени дека Трајковски одбил далеку подобри понуди само за да слета на „Пољуд“.

-Трајковски е профил на играч кој го баравме на пазарот. По договорот со нас, тој доби уште неколку понуди, финансиски подобри за него, но го покажа својот карактер и реши да премине во Хајдук. Тој е сестран офанзивен играч чии основни позиции се лево крило и централен напаѓач. Со оглед на тоа што играчот беше слободен во изминатиот период, ќе му треба малку време за да се прилагоди и да постигне оптимална форма.

-Тој е многу искусен играч кој е стандарден репрезентативец на Македонија. Со неговиот ангажман, на нашиот тренер му даваме можност за поширок ростер на играчи во офанзивниот дел на тимот – истакна спортскиот директор Миндаугас Николичиус.