Директорот на Фиорентина соопшти нови добри вести за Бове

Едоардо Бове е под постојан медицински надзор веќе петти ден во низа, но ова попладне пристигна вест дека младиот играч за врска излегол од одделението за интезивна нега.

Пет дена по колапсот кој го доживеа на теренот во Фиренца, Бове е во далеку подобра здравствена состојба и бил префрлен во друго болничко одделение, што дефинитивно укажува дека неговата ситуација значително се подобрува како што одминува секој ден.

Бове вчера добие специјална порака од своите соиграчи од теренот и имаше емотивни моменти на трибините на „Артемио Франки“, а сега ќе може да ги следи и сите фудбалски настани откако го напушти одделението за критични пациенти.

– Бове е во добри раце и се чувствува се подобро. Всушност, сакам да ве информирам дека играчот ја напушти интензивната нега и сега е префрлен во одделение во кое нема толку сензитивни пациенти.

– Оттаму ќе му биде следена состојбата и ќе проследиме нови информации кога ќе има такво нешто. Мора да го оставиме да се опорави и да покажеме почит кон неговата приватност, – изјавил денеска генералниот директор на Фиорентина, Алесандро Ферари.