Директорот на Аустралијан Опен со предупредување до семејството Ѓоковиќ пред финалето

Срѓан Ѓоковиќ несакајќи се стави во средина на политичка скандал во Мелбурн парк откако позираше со навивачи на својот син кои имаа транспаренти со про-руски натписи, но величењето на фигурата на Владимир Путин е она што посебно ги разлути медиумите од западна Европа, но и оние во Австралија.

Таткото на Новак привлече големо медиумско внимание и поради тоа реши да го пропушти вчерашното полуфинале кое го играше неговиот син, но откако се јави со соопштение, денеска стана познато дека семејството Ѓоковиќ одработило состанок и со првиот човек на турнирот.

Крег Тајли побара од семејството на Србинот да биде внимателно и за време на финалниот меч против Циципас, кога се очекува да има набој на емоции поради големиот број српски и грчки фанови во Мелбурн.

– Минав долго време разговарајќи со семејството Ѓоковиќ на оваа тема. Мој совет до нив е да бидат внимателни и во финалето, бидејќи ова е случување кое има големо глобално значење. Кога има илјадници луѓе пред портите на Мелбурн парк, нормално е да има и такви кои доаѓаат со намера да наштета.

– Им порачав да не бидат вовлечени во такво нешто. Тие го разбраа тоа и семејството реагираше добро. Беа навистина вознемирени што се беше погрешно сфатено. Таткото на Новак посебно не сака да слушне за војна, фокусирани се на поддршка на мирот, – изјавил Тајли.