Динамо не го заборави специјалниот јубилеј на Ристовски и го поздрави Македонецот преку социјалните мрежи (Фото)

Стефан Ристовски веќе петта сезона е дел од Динамо и полека прерасна во жива легенда на клубот, а како еден од милениците меѓу публиката во Загреб, македонскиот десен бек вчера оствари убав јубилеј.

Истиот ќе го памети по убедливата победа над Карабах со резултат 3:0, но сепак задоволството не беше целосно бидејќи Стефан мораше да ја напушти играта по само 20 минути на теренот.

Ристовски поради повреда го отстапи своето место на Такуја Огивара, меѓутоа 20-те минути беа доволно за да се запише неговиот 150-ти настап за првиот тим на „модрите“.

– Нашиот борец и еден од милениците на публиката, Стефан Ристовски, синоќа го запиша својот јубилеен 150-ти настап во нашиот дрес. Во Динамо дојде на стартот на 2021-ва година и во меѓувреме освои осум трофеи: Четири титули во домашното првнеств, два Купа и два Суперкупа.

– Во сите три обиди за европски фудбал, тој избори групна фаза, најпрво во Лига Европа, потоа во Лигата на шампионите, а минатата сезона и во Конференциската лига. Драг Риле, на овој начин ти честитаме за јубилејот и ти посакуваме брзо заздравување!, – гласи објавата на Динамо.