Динамо и Звезда го избегнаа најтешкиот ривал за плејоф рундата во ЛШ (Фото)

Плеј-оф рундата е последната пречка за влез во групната фаза во Лигата на шампионите, а ова попладне се дознаа потенцијалните двојки кои ќе ги гледаме во оваа фаза од натпреварувањето.

Аријан Адеми и Стефан Ристовски се наши најпознати претставници во квалификациите за Лигата на шампионите, откако токму нивниот Динамо го исфрли Шкупи во втората рунда која заврши минатата седмица.

„Модрите“ денеска ќе ја отворат третата рунда со дуел против Лудогорец, а наредната недела на домашен терен го играат реваншот против бугарскиот претставник.

Ако ја минат оваа пречка, Динамо во плеј-оф колото доби посакувани ривали, бидејќи го избегна најтешкиот Трабзонспор и ќе вкрсти или со Жалгирис, или со Бодо Глимт.

Од балканските екипи, Црвена Звезда денеска и наредната седмица игра против Пјуник, па доколку ја оправда фаворитската улога, во плејоф колото ќе игра против Макаби Хаифа или Аполон.

Првите натпревари од плејофот се играат на 16-ти и 17-ти, а реваншите на 23-ти и 24-ти август.

Play-off round draw set ✅
Who's going through to the group stage❓

🔜 Games: 16/17 & 23/24 August#UCLdraw | #UCL pic.twitter.com/ZlWaFnghwa

— UEFA Champions League (@ChampionsLeague) August 2, 2022