Динамо го потврди новиот договор на Ристовски

Хрватскиот првак Динамо денеска ги потврди информациите дека е постигнат договор за продолжување на соработката со македонскиот репрезентативец Стефан Ристовски.

Десниот бек се покажа како одлично засилување за „модрите“ во 2021 година, а сега ставил потпис на нов повеќегодишен договор и сигурно ќе остане на „Максимир“ уште неколку сезони.

Ристовски досега освои две шампионски титули и по еден трофеј во Купот и Суперкупот со Динамо, со кого исто така имаше солидни настапи и во европските купови.

Динамо денеска соопшти дека ги продолжил договорите и со Дино Периќ, Данијел Загорац и Јосип Мишиќ.