Динамо го доби дербито и дојде на чекор до титула, Ристовски и Адеми дел од завршното шоу на „Максимир“ (Видео)

Динамо Загреб направи огромен чекор кон титулата во домашното првенство, бидејќи во дербито кое денеска се одигра во Хрватска, го отпиша Осијек од шампионската битка.

Капитенот Аријан Адеми, Стефан Ристовски и соиграчите остварија победа од 3:0 пред 13 илјади гледачи на „Максимир“, по што домашниот тим дојде на чекор од нов шампионски трофеј.

Орсиќ, Спикиќ и Менало беа стрелци на трите гола во мрежата на Осијек, кој во последните две рунди останува без математички шанси да се бори за титулата.

Динамо сега има се во свои раце, односно доволна ќе биде победа во наредното коло против Шибеник, по што ќе може да пристапи ревијално на дербито против Хајдук во последното коло.

Играчите на Динамо почнаа уште отсега да ја слават титулата, па заедно со навивачите приредија фантастична сцена и истата беше прикажана од страна на клубот.

Hvala navijačima, sjeveru i zapadu na sjajnoj podršci večeras 💙⚽️😄🔥 #dinamozagreb
🎥 GNK Dinamo pic.twitter.com/tQzsMoVl4K

— GNK Dinamo (@gnkdinamo) May 8, 2022