Димитров за случајот Синер: Кога има правила…

Григор Димитров ќе се соочи со Новак Ѓоковиќ во тенискиот спектакл кој се одржи во неговата земја, а во пресрет на истиот даде коментар за темата која е неизбежна-тоа е допинг случајот со Јаник Синер.

Италијанецот се најде во центарот на вниманието на допинг скандалот кој на крајот не донесе санкција за него, плус тој го издржа притисокот и го освои последниот календарски грен слем Ју-Ес Опен.

-Кога има правила и некој ги прекршува, тоа никому не му се допаѓа. Можеби незадоволството на другите тенисери произлегува од тоа што овде никој ништо не знаеше.

-Мислам дека тој нема да направи ништо намерно, ама начинот на која се случи целата ситуација – АТП не знаеше, ги натера сите играчи малку повеќе да размислат, -истакна Димитров.