Димитриоски и Карапалевски минимално поразени во АСОБАЛ лигата

Валјадолид на македонските интернационалци Димитар Димитриоски и Мартин Карапелевски претрпе минимален пораз од Пуенте Хенил од 29:28 во средбата од 9. коло во АСОБАЛ лигата.

Гостите се надеваа дека ќе ја продолжат добрата серија на резултати и ќе останат непоразени на ова соочување, меѓутоа иако беа конкуретни и максимално се бореа 60 минути на крајот мораа да му честитаат на противникот за остварениот триумф.

Димитриоски имаше солиден меч со едно промашување и два постигнати гола, додека пак Карапалевски кој се најде на поширокиот список на селекторот Лазаров за СП даде само еден погодок од пет обиди.

Со 9 бода Валјадолид е на 9 место на табелата.