Димитријевиќ прв асистент, Милано изненаден на отварањето на сезоната во Италија (ВИДЕО)

Олимпија Милано минатата седмица го освои трофејот во Супер Купот на Италија, па со самодоверба и убава енергија го дочека отварањето на новата лигашка сезона каде доживеа шок на стартот на гостувањето кај Трст каде загуби со 84:78.

Фаворитот беше подобар во првата и завршната четвртина, но проблематичен беше вториот период кој домаќинот го реализираше со 26:18, но и третиот „дел“ кој истот му припадна на Трст со 17:12.

Македонскиот репрезентативец Ненад Димитријевиќ не се прослави на денешниот меч кога се во прашање поените затоа што поситгна само два, но беше најдобар на теренот кога се работи за асистенциите, испорача седум употребливи топки до соиграчите.

Миротиќ и Ледеј поситгнаа по 18 кошеви за гостите, Рос пак со 22 го предводеше победникот.