Димитријевиќ одличен, Милано ја прекина победничката серија на Фенербахче

Олимпија Милано направи изненадување и издвојува победа над Фенербахче во Истанбул во средбата од 12. коло во Евролигата.

Фенер влезе во ова соочување со шест победи во низа во елитното натпреварување, воедно ја имаше предноста на домашниот терен, поддршката од навивачите, но гостите од Италија беа расположени за игра низ сите 40 минути и заслужено дојдоа до победа.

Никола Миротиќ беше прво име со 29 поени и 9 скока, Зек Ледеј додаде 19, додека нашиот репрезентативец Ненад Димитријевиќ уфрли 15 поени со 2 скока и 4 асистенции за 19 минути на паркетот или десет помалку од споменатите колеги.

На спротивната страна потфрли Хејс Дејвис со само 6 поени, Вејд Болдвин беше најефикасен со 19 кошеви.

Тимот на Димитријевиќ сега има учинок 6-6, турскиот претставник пак 9-3.