Поврзете се со нас

Европски првенства

Димитријевиќ нема да игра против Естонија, Тодоров порачува: Никој нема да се сеќава…

Објавено

на

Кошаркарската репрезентација на Македонија ја совлада Италија и остана во игра за билетот кој води на Европското првенство.

За да дојдеме до Евробаскетот ќе мора прво Русија да слави над Естонија, а потоа ние утре да славиме над Естонците со двоцифрена разлика и тоа без услугите на Ненад Димитријевиќ. Најдобриот наш играч се повреди на денешната средба, а селекторот Александар Тодоров обелодени дека нема да биде подготвен за утрешната битка во Перм.

-Многу важна победа за нас, пред сè бидејќи ни дозволува да сонуваме до утре. Италија играше одлично прво полувреме, погоди девет тројки од 14 шута, постигнаа 53 поени и се и одеше од рака. Во соблекувалната, на полувреме зборувавме дека тоа не се реални проценти, во второто полувреме погодија 3/11, и во вторите 20 минути примивме двојно помалку поени.

-Уште еднаш ќе потенцираме дека нашата репрезентација е во процес на конструкција, дека во неа се вклучуваат некои млади деца, но никој нема да се сеќава на оваа победа, ако утре не победиме. Утре ќе имаме два тешки противника: силната естонска репрезентација и нашиот замор кој е уште поголем проблем, особено ако знаеме дека ќе играме без Ненад Димитријевиќ, -истакна Тодоров.

Реклама
Реклама
Реклама

Популарни