Поврзете се со нас

Свет

Димитријевиќ испорача „десетка“, Хувентуд влезе во резултатска криза

Објавено

на

blank

Неделната програма во шпанската Ендеса лига стартуваше со дуелот меѓу Гран Канарија и Хувентуд, а во резултатски неизвесниот дуел, на крајот како пресудна се покажа последната четвртина.

За жал, тимот на македонскиот репрезентативец Ненад Димитријевиќ го претрпе третиот пораз во низа во домашното првенство, откако истиот потклекна во одлучувачките моменти и го загуби последниот период 22:14 што беше решавачко за неуспехот од 96:85.

Составот од Бадалона влезе во резултатска криза и тоа се одрази на паркетот и ова попладне во Гран Канарија, па така по денешниот пораз и оној од Валенсија и Сан Пабло Бургос, Хувентуд падна на седмото место на табелата.

Нашиот Нено денеска мина речиси 19 минути на паркетот откако не доби шанса во првата четвртина, а тоа време беше доволно за да биде двоцифрен и четврт најдобар поентер во својот тим.

Димитријевиќ уфрли 10 поени, Бродзиански и Аростеги имаа по 14, Томиќ, 13, додека најефикасен на теренот беше играчот од домашниот тим, Стевиќ со 15 поени.

Реклама
Реклама
Реклама

Популарни