Димитријевиќ и Милано им се вратија на победите, Шортс двоцифрен во триумфот на Париз

Ненад Димитријевиќ се врати на паркетите во Европа на натпреварот против Анадолу Ефес, но ако тој меч нема да остане во позитивно сеќавање кај никој во Милано, вечерва Олимпија конечно им се врати на победите во Евролигата.

Македонскиот репрезентативец доби скромна минутажа и мина 11 минути на паркетот, но сепак учествуваше со 4 поени, 1 скок и 2 асистенции во победата од 87:75.

Милано го контролираше цел меч и ги доби сите четири четвртини со Панатинаикос, па сосема заслужено славеше победа во која најмногу се истакна Ледеј со 33 поени.

Победа вечерва во Европа оствари и тимот на Ти-Џеј Шортс, откако Париз на домашен терен го доби француското дерби со Асвел.

Домаќините славеа со 91:82, а Шортс го заврши мечот со 13 поени, 3 скокови и 6 асистенции.