Димитријевиќ го одигра најдобриот меч во Евролигата, „кралевите“ на колена во Милано

Македонскиот репрезентативец, Ненад Димитријевиќ го одигра најдобриот меч во Евролигата и му помогна на својот тим Олимпија Милано да го сруши Реал Мадрид во соочувањето од осмото коло во најквалитетното натпреварување на стариот континент.

Домаќините славеа со 85:76 во пресметка во кое Димитријевиќ беше вистински лидер и им одговори на сите оние кои го критикуваа во изминатиов период. Нено беше најефикасен играч на теренот со 22 поени (2/2 за еден, 4/6 за два, 4/9 за три поени), забележа 1 скок и 1 асистенција или поточно им го отвори патот на „манекените“ до триумф со кој дополнителен живот доби и тренерот Еторе Месина.

Најголема поддрша за Македонецот беше Ледеј со 17 поени и 8 скока.

Милано сега има учинок 3-5, исто како и актуелниот вицешампион.