Димитријевиќ двоцифрен, Баерн го доби „трилерот“ во Милано

Кошаркарите на Баерн Минхен излегоа како победници од соочувањето со Олимпија Милано во завршниот меч од 17. рунда во Евролигата.

Двете екипи добија по две четвртини, се беше отворено до последната секунда, победата можеше да заврши на двете страни со тоа што овојпат баварците беа тие кои славеа со 79:78. Гостите реализираа еден од двете слободни фрлања на 11 секунди до крајот со што се отвори можност за „манекените“ со кош да дојдат до триумф, одговорноста ја презема Шилдс кој не реализираше по што Букер ја добра топката за седми негов скок на натпреварот.

Македонскиот репрезентативец Ненад Димитријевиќ реализираше 11 поени за Милано со 2 скока, 4 асистенции и 1 украдена топка. Миротиќ со 18 кошеви беше прв стрелец, победникот пак ги имаше расположените Едвардс и Букер со 25 и 23 поени.