Димитријевиќ: Данска е сериозен противник, но ќе бидеме подготвени за предизвикот

Нашата најдобра кошаркарска репрезентација утре ги започнува претквалификациите за Европското првенство во 2025 година, а првиот испит е на гостински терен против селекцијата на Данска.

Скандинавците знаат да бидат незгоден противник, но ние предводени од новиот плејмејкер на Уникс Казан, Ненад Димитријевиќ можеме да се надеваме на позитивен резултат во Нествед.

Димитријевиќ е оптимист и верува декако како група ќе можат да одговорат на првиот предизвик од оваа фаза.

-Важен е почетокот и многу ни е важно да почнеме добро. Знаеме дека Данска е сериозен противник, одиме на гости, но мислам дека ќе бидеме подготвени за предизвикот.

-Имаме една добра група, тренираме заедно и верувам дека ќе се подготвиме добро за предизвиците. Добро сме подготвени за првиот натпревар, и мора да продолжиме по истиот пат. Тоа е, напорно да работиме и треба да имаме целосен фокус на Данска, а дури потоа на сите останати, -порача Димитриевски.

Средбата Данска-Македонија се игра утре од 19 часот.