Димитријевиќ беше сведок на надреален момент: Холограм од Дражен Петровиќ се обрати на легендарната генерација (Видео)

Дражен Петровиќ следниов октомври ќе наполнеше 60 години, но за жал животот на еден од најдобрите кошаркари кои се појавиле од овие простори згасна многу рано, па кошарското семејство се сеќава на него само преку меморијални натпревари како овој вечерва.

Спектаклот во Загреб спои голем број светски ѕвезди од НБА и од Европа, а дел од настанот беше и македонскиот репрезентативец Ненад Димитријевиќ.

Нено беше во „тимот на Дражен“ кој победо со 110:107 против тимот на Хрватска, но резултатот секако беше во втор план и фокус беше да се оддаде почит на големата легенда.

Организаторот на настанот во „Арена“ по крајот на третата четвртина реши да им ја заледи крвта на сите присутни во салата, бидејќи на средина беше направен холограм од Дражен Петровиќ, по што следеше обраќање до генерацијата со која освои сребрен медал на Олимписките игри во 1992-ра година.

– Поздрав до сите, големо е задоволството да ве видам во толкав број. Голема е честа да се потсетиме на олимпиското финале против дри-тимот во Барселона и што стојам блиску до моите златни соиграчи. Уживајте во остатокот од мечот, – гласеше пораката од холограмот.

The Drazen Petrovic Memorial game included even the legend himself pic.twitter.com/cyJii8unbo

— Eurohoops (@Eurohoopsnet) September 5, 2024