Димитриевски со „чиста мрежа“, Валенсија обезбеди осминафинале во Купот на Шпанија (ВИДЕО)

Екипата на Валенсија за која настапува македонскиот репрезентативец Столе Димитриевски успеа да обезбеди билет за осминафиналето во Купот на Шпанија.

„Лилјаците“ ја оправдаа улогата на фаворити и славеа на гостувањето кај второлигашот Елденсе со 2-0.

Ова беше дуел на две тима кои се наоѓаат под цртата (за опстанок) во своите шампионати со тоа што квалитетот е на страната на Валенсија која дилемите околу победникот ги реши уште во првиот дел со двата гола кои беа дело на Канос во 9 и Лопес во 39 минута.

Нашиот Димитриевски беше стартер и успешно ги скроти сите удари кои беа упатени кон неговиот гол.

Следниот предизвик за Столе и другарите е соочувањето со Севилја во Ла Лига.