Димитриевски прв стрелец против Валјадолид

Македонскиот интернационалец, Дарко Димитревски се прикажа во одлично светло на натпреварот против Валјадолид во АСОБАЛ лигата.

Димитревски беше најрасположен за игра и даде шест голови (прв стрелец со својата екипа и на мечот заедно со Родригез Костас), меѓутоа тоа не се покажа како доволно затоа што гостите со подобра игра во вториот дел (16-13) се изборија за триумф на дуелот од 29-26.

Ова за составот на Синфин беше седми пораз во осмиот првенствен меч, па со освоени два бода се наоѓа на претпоследното место на прволигашката табела. Следниот лигашки предизвик за Даре и компанија е исто тежок, пресметка со Бидасоа Ирун, тим кој е еден од најдобрите во Шпанија.