Димитриевски одигра без грешка против Нава

Македонскиот интернационалец, Дарко Димитриевски и неговиот Валјадолид доживеаа минимален пораз од Нава од 23-22 во првата шпанска лига.

Четата на Давид Писонеро имаше добро прво полувреме (14-10), но и лошо второ во кое беше надиграна од домаќинот кој успеа да направи пресврт и да слави во ова соочување.

Димитриевски одигра без грешка и даде два гола од два обиди и тоа од линијата од седум метри. Мартинез со 5 гола беше прв стрелец кај поразените, а кај победникот листата ја предводеа Колјадо и Мојано со по четири погодоци.

Валјадолид со 12 бода е на 4. позиција на табелата.