Димитриевски: Кога и да сум на прес-конференција имам „чиста мрежа“, па…

Велс е вториот предизвик за македонската сениорска репрезентација во квалификациите за Светското првенство кое се игра наредната година во САД, Канада и Мексико.

Домаќините сме на островјаните на утрешниот меч кој е закажан за 20:45 часот на Националната арена „Тодор Проески“ во Скопје. Ние го совладавме Лихтенштајн со 3-0, додека Велс беше подобар од Казахстан со 3-1 што значи дека двете селекции со позитивни резултати влегувата во оваа битка што е најава за борба и квалитетно соочување во нашата престолнина.

Голманот Столе Димитриевски долго време е без примен гол во националнио тим и тоа од соочувањето со Фарски Острови во Торшавн, па членот на Валенсија се надева дека и утре ќе биде така.

-Секогаш кога сум на прес-конференција имам чиста мрежа, па така би сакал да биде и утре. Нека биде нова среќа. Ако имаме чиста мрежа имаме минимално реми. Сакам да имаме добар натпревар, а зошто да не дојдеме и до победа, -порача Димитриевски.