Поврзете се со нас

Шпанија

Димитриевски и Рајо победија во продолжението на дуелот кој започна пред 179 дена

Објавено

на

Македонскиот репрезентативен голман Столе Димитриевски беше дел од несекојдневниот натпревар, во кој неговиот Рајо Валјекано успеа да го победи Албасете во рамките на втората шпанска лига.

Ова фактички беше прв натпревар во Шпанија по принудната пауза поради коронавирусот, а се играше само второто полувреме бидејќи средбата беше прекината пред 179 дена, поради навредите на домашните фанови на сметка на Роман Зозулја од гостинскиот состав.

На 15 декември судијата реши дека средбата треба да се прекине на полувреме поради скандирањето на домашните фанови кои го обвинија Украинецот дека е „нацист“, нешто што тој постојано го демантира.

Денеска дуелот продолжи со резултат 0:0, но домаќините славеа со атрактивниот погодок на Адвинкула постигнат во 61. минута.

Димитриевски играше до крајот и во финишот заработи жолт картон, a со денешниот епилог Рајо е на седмото место и на три бода до место кое води во плејоф.

Реклама
Реклама
Реклама

Популарни