Димитриевски: Горд сум што сум од тимот со момци кои имаат шампионска глава и исто такви му*а

Македонија успешно го мине новото издание на Лигата на нации каде со пет победи и едно реми бевме најдобри во групата 4 во сегментот Ц и со тоа обезбедивме пласман во Б дивизијата.

По почетното реми со Фарски Острови забележавме пет триумфи во низа и тоа без примен гол, резултат за кој огрома заслуга има голманот Столе Димитриевски. Иако не брани во Валенсија, Столе на фантастичен начин си ја одработи задачата на нашиот гол, ја сочува мрежата или севкупно гледано тој во овој циклус не прими гол од игра, поточно погодокот на Фарски Острови беше од белата точка.

Овие изданија дефинитивно многу му значат на Димитриевски на кого му е драго што е дел од оваа генерација.

-Горд сум што сум од тимот со момци кои имаат шампионска глава и исто такви му*а, -порачал нашиот голман, а пренесува ФФМ.