Димитриевски дебитираше со победа на голот на Валенсија (Видео)

Столе Димитриевски одигра шест натпревари за Валенсија во подготвителниот летен период, но на крајот испадна дека македонскиот чувар на мрежата мора да чека речиси шест месеци за своето деби.

Најдобриот македонски голман денеска конечно ја дочека својата шанса и за првпат заигра на официјален натпревар како член на Валенсија, и тоа во рамки на најмасовното натпреварување во Шпанија.

„Лилјаците“ денеска го одиграа првиот од трите одложени натпревари поради поплавите во Валенсија, а во меч кој не беше воопшто атрактивен, фаворитот си ја заврши работата.

Нисколигашот Парла му овозможи на тренерот Рубен Бараха да им даде шанса на сите играчи со помала минутажа, но посебно вредна е стартерската позиција која ја доби Димитриевски.

После петте меча во низа на кои постави рекорд како македонски репрезентативец, Столе сега придодаде уште еден натпревар во својата серија, бидејќи Валенсија денеска ја сочува својата мрежа во дуелот со Парла.

„Лилјаците“ славеа со минимални 0:1 за пласман во следната фаза на Копа дел Реј, а единствениот гол беше дело на Пепелу.

🎯 ¡¡𝗚𝗢𝗢𝗢𝗢𝗟 𝗗𝗘𝗟 𝗩𝗔𝗟𝗘𝗡𝗖𝗜𝗔!!

Pepelu adelanta en el marcador a los visitantes con un tanto de falta.

🆚 @ParlaEscuela – @valenciacf I 0-1 I 20'

📺 @MovistarFutbol

𝗠𝗶𝗻𝘂𝘁𝗼 𝗮 𝗺𝗶𝗻𝘂𝘁𝗼: https://t.co/CAQw8fCr6Y#CopadelReyMAPFRE | #LaCopaMola pic.twitter.com/pEZJ4phCj9

— RFEF (@rfef) November 26, 2024