Димитриевски блескаше против Валјадолид

Македонскиот интернационалец, Дарко Димитриевски одигра уште една квалитетна партија во дресот на Синфин во првата лига на Шпанија.

Димитриевски оваа вечер се прикажа во одлично светло на гостувањето кај Валјадолид каде беше втор стрелец во својот табор со шест погодоци (од девет обиди), поточно поефикасен од него беше само Бесера (8). Сепак ова издание на Дарко не беше наградено, заокружено затоа што Синфин претрпе пораз од 37-30.

Со овој пораз тимот на Македонецот е во зоната за испаѓање од АСОБАЛ лигата, во следната рунда Димитриевски и компанија го пречекуваат Морасо Кангас.