Димарко по славјето во Париз: Ова ни беше потребно, мораме да…

Италија направи изненадување и славеше над Франција во Париз (3-1) во пресметката во Лигата на нации.

Французите важеа за фаворити пред стартот на натпреварот, но дуелот на „Паркот на принцовите“ уште еднаш покаже дека Италијанците никогаш не треба предвреме да се отпишуваат, па дури и кога ќе примат гол на самиот старт по само 13 секунди игра.

„Аѕурите“ покажаа карактер, квалитет се вратија и дојдоа до трите бода со погодоците на Димарко, Фратези и Распадори.

-Не беше лесно да се вратиш на вистинскиот пат по ЕП. Ни требаше оваа победа за да го подигнеме моралот на тимот. Одигравме многу добро, Франција секогаш ќе има неколку шанси, но задоволни сме од резултатот и настапот, -вели Димарко кој смета дека ова треба да биде основа за уште подобри резултати и изданија во иднина.

-Никогаш не е лесно да се победи Франција, особено на нивен терен, па мораме да се надоградуваме на ова, -заклучи бекот на Интер.