Дигари со порака за Дешамп: Благодариме за досегашните успеси, но да видиме што може и Зидан

Зинедин Зидан постојано е поврзуван со одредени тренерски ангажмани, но француската легенда никако да донесе официјална одлука да се врати во професијата во која постигна многу успеси со Реал Мадрид.

Досега најчесто се споменуваше дека Зидан е заинтересиран за преземање на француската репрезентација, но добрите резултати на Дидие Дешамп не оставаат простор за селекторска смена.

Нивниот поранешен соиграч Кристоф Дигари уште еднаш потврдил дека Зидан е упорен во исполнување на својата желба, па и апелирал до Дешамп да се повлече што порано и да му отстапи место на Зизу.

– Тој ретко зборува на таа тема, но барем останува на ставот дека размислува само за француската репрезентација.

– Ако продолжи вака, можеби и веќе да не се врати како тренер, но никогаш нема да го загуби интересот за националниот тим.

– Штета е што постапува вака, па би сакал да му се заблагодарам на Дешамп за се што направи, но би било добро да видиме што може Зизу, – рекол Дигари, прозивајќи го поранешниот колега од националниот тим.