Дигари го подбра Рабио: Не е негова работа да го кани Погба во Марсеј

Адриен Рабио реши да се врати во Франција и да се вклучи во амбициозниот проект на Олимпик Марсеј, под водство на тренерот Роберто Де Ѕерби, а би посакал да му се приклучи и поранешен соиграч од редовите на Јувентус.

Проблемите со повреди и позитивниот допинг тест на му дозволија на Пол Погба да ги потврди своите фудбалски квалитети по враќањето во редовите на Јувентус, па и немаше посакувана шанса да игра заедно со Рабио во дресот на „бјанконерите“. Затоа Рабио го повика Погба да му се приклучи во Марсеј.

Ваквиот став не му се допадна на поранешниот репрезентативец Кристоф Дигари, кој решил да го критикува помладиот сонародник.

– Не е проблем тоа што сака да повика пријател во екипата, проблем е што во Марсеј веќе има фудбалери кои играат на таа позиција.

– Па кога ќе слушнете како ваш колега вели дека со задоволство би сакал да види друг играч на вашето место, искрено јас тоа не би го прифатил најдобро.

– Мислам дека не му е место и не е негова задача да испраќа вакви понуди, на крајот тој не е повикан да носи одлуки. Не ја ни знае физичката состојба на Погба и треба да им дозволи на директорите да се занимаваат со ова прашање, – рекол Дигари.