Дигари го подбра Дешамп: Никогаш нема да признае кој му овозможи да ги освои трофеите

Францускиот селектор Дидие Дешамп повторно е актуелен во медиумите поради уште едно отсуство на Килијан Мбапе од националнот тим, а дополнителна „популарност“ му обезбеди и неговиот поранешен соиграч, Кристоф Дигари.

Некогашниот француски репрезентативец често го критикува Дешамп, а сега бил револтиран од еден потег на селекторот од пред неколку дена.

Дешамп одбил да одговори на новинарско прашање за тоа кој бил најдобар фудбалер со кого играл во кариерата, за што Дигари смета дека има јасно објаснување.

– Нема да каже Зидан бидејќи не сака да го истакнува. А, Зизу е најдобар фудбалер кого го видел во својата кариера.

– Кој му овозможи да освои светско првенство? Зидан. Кој му овозможи да освои многу работи? Зидан, но тој никогаш нема да го каже тоа јавно.

– Ја извршува функцијата дванаесет години и никогаш нема да помогне, никогаш не направил асистенција во кариерата, па нема ни сега. Никогаш не би кажал нешто добро за потенцијален ривал, – рекол Дигари.