Дида за Фонсека и Ибрахимовиќ: Потребно му е време на тренерот, Златан…

Милан има лош старт на сезоната во Серија А и сосема очекувано дојдоа првите критики како за тренерот Пауло Фонсека така и за човекот кој имаше важна улога во обезбедувањето на летните засилувања-Златан Ибрахимовиќ.

Веќе се говори и за некаков ултиматум за Фонсека кој мора да победи против Венеција, а потоа да бара, брка добри резултати во тешките пресметки со Ливерпул и Интер.

Дида долги години беше дел од италијанскиот великан, па од свој агол го сподели мислењето за тренерот, но и за Ибрахимовиќ.

-Тие се обидоа да ги ангажираат најдобрите играчи за проектот, следејќи ги барањата на тренерот. Фонсека штотуку пристигна, потребно му е време. Тој мора да работи повеќе бидејќи победувањето на сите летни пријателски натпревари не е исто со играњето во Серија А или Лигата на шампионите. Сите треба да бидеме трпеливи.

-Тој е паметен тренер, а добро го познава италијанскиот фудбал. Работењето за Милан бара нешто плус, бидејќи е поважен од клубовите што ги тренираше во минатото и тоа може да има влијание. Сепак од клучно значење е да остане смирен и да продолжи да работи со она што го има на ум. Со довербата во неговите играчи, тој може да има одлична сезона, -вели Бразилецот и додава:

-Златан добро го претставува Милан. Тој знае сè за клубот. Ибрахимовиќ никогаш не сака да губи. Благодарение на неговото присуство во соблекувалната и како дел од персоналот, постои гаранција дека Милан секогаш ќе има за цел да победува, -порача легедарниот голман.