Дибиров стигна до второто место на вечната листа, реализираше атрактивно во историската ноќ (Видео)

Хрватскиот шампион Загреб не успеа да избегне пораз на тешкото гостување кај Барселона во Лигата на шампионите, но овој натпревар по добро ќе го памети Тимур Дибиров.

Поранешната голема ѕвезда на скопски Вардар вчера повторно се истакна со индивидуалниот учинок, а со осумте постигнати голови стигна до вкупно 1200 погодоци во Лигата на шампионите.

Со овој ефект, Русинот стигна до второто место на вечната листа, оставајќи го зад себе, сега третопласираниот Никола Карабатиќ, кој во кариерата реализираше 1198 голови во ЛШ.

 

View this post on Instagram

 

A post shared by RK Zagreb (@rkzagreb)

41-годишниот Дибиров далеку пред себе го има нашиот Кире Лазаров, кој останува лидер со 1482 голови и уште долго ќе биде недостижен на оваа вечна листа.

Крилото на Загреб постигна и еден атрактивен гол во свој стил, за да ја одбележи ноќта за историја.

🍿 Timur Dibirov a encore fait parler sa technique du Chabala hier soir face à Emil Nielsen 😮

🎥 @ehfcl pic.twitter.com/1szbh4K283

— HandNews (@HandNewsfr) December 6, 2024