Дибиров: Го сакам Вардар и Скопје, среќен сум што и во иднина ќе играм во овој клуб

Искусното руско крило кое на крајот на наредниот месец ќе наполни 37 години, Тимур Дибиров дефинитивно ќе остане во Скопје во таборот на Вардар и во наредната кампања.

Дибиров кој од 2013 година е дел од „црвено-црниот“ се одлучи да ја прифати понудата од Михајло Михајловски и да остане во клубот во кој низ годиниве оствари многу успеси од кои дефинитивно најзначајни се двете титули во Лигата на шампионите.

-Јас одлучив да останам во Вардар. Го сакам овој клуб, овој град, и среќен сум што во иднина ќе играм овде, -порача руското крило.

Покрај него нови договори потпишаа капитенот Стојанче Стоилов, Иван Чупиќ и бекот Кристијан Дизингер.