Поврзете се со нас

СЕХА лига

Дибиров доминираше во Нови Сад, Дејвис се израдува на прва победа во СЕХА

Објавено

на

По поразот од Нексе на отворањето на новата сезона во СЕХА лигата, Вардар денеска ја почувствува и сласта на победа, односно тоа посебно се важи за тренерот Давид Дејвис кој сигурно има зошто да биде задоволен со оглед на тоа што се обидува играчите што побрзо да ги сфатат неговите идеи.

Македонскиот првак издоминира на гостувањето во Нови Сад и оствари убедлива победа изразена со десет голови разлика (16:26), што најдобро говори за разликата во квалитет на теренот.

Вардар се мачеше во првиот дел кој го доби со 9:11, но потоа направи серија од 7:1 на стартот на второто полувреме и стана јасно дека ќе ја оправда улогата на апсолутен фаворит.

Тимур Дибиров беше најрасположен за игра во составот на гостинскиот тим и постигна седум погодоци, а по четири постигнаа фантастичните бекови, браќата Њокас.

– Ова е многу важна победа за нас во пресрет на тешкиот распоред во февруари. Се уште работиме на деталите и нашата игра и тешко е да се игра без средни бекови. На крајот, добар меч како колектив, задоволен сум бидејќи добивме шанса да се надградуваме и да работиме на нашата игра, – изјави Дејвис.

Реклама
Реклама
Реклама

Популарни