Дибала се врати во Аргентина со гол, но призна дека се двоумел дали да го носи дресот на Меси (Видео)

Пауло Дибала остана без повик за Копа Америка ова лето и тоа беше голем удар за ѕвездата на Рома, која сега изненадувачки се врати во тимот на „гаучосите“ со легендарната „10-ка“ на својот грб.

Дибала доби шанса да го носи дресот на Меси во отсуство на капитенот, а мора да се признае дека рано утрово ја искористи шансата која ја искористи од Лионел Скалони.

Пауло влезе во 89-та минута заменувајќи го Алексис Мак Алистер и во продолжение го постигна голот за конечни 3:0, но она што се најде во фокусот дефинитивно е бројот кој го носеше на својот грб.

– Спектакуларно е тоа што се вратив во тимот и што постигнав гол пред фановите. Тие секогаш ни даваат поддршка и посебно е чувството да се игра во Буенос Аирес.

– Да бидам искрен, не знаев дали да ја прифатам „10-та“ од Меси. Сите знаеме какво значење има Лео, но претставувањето на репрезентацијата значи да го дадете најдоброто од себе во било какви услови, а јас мислам дека овојпат го направив тоа.

– Стручниот штаб донесе одлука јас да ја носам „10-та“ во отсуство на Меси, тоа го побараа од мене и некои соиграчи. Не знаев дали да прифатам, бидејќи знам каква е одговорноста. Да бидам искрен, не знаев дали воопшто ќе се вратам во националниот тим, но го направив тоа и го дадов најдоброто од себе. Постигнатиот гол е само бонус, – изјави Дибала.