Дибала ги одби арапските милиони и предизвика лудило пред својата куќа во Рим (Видео)

Пауло Дибала во период од неколку часа доживеа сосема различни емоции со навивачите на Рома, бидејќи тифозите на клубот прво мислеа дека за последен пат се поздравуваат со својот миленик, за потоа да пристигне информација дека го стопирал трансферот кој беше практично договорен.

„Ла Јоја“ беше спакуван за Саудиска Арабија откако првично даде зелено светло за трансфер во Ал Кадсијах, но кога сите очекуваа негов лет кон Ријад, пристигна пресврт кој никој не можеше да го замисли.

Аргентинецот во последен момент се откажа од 75 милиони евра и му кажа „НЕ“ на арапското богатство, а неговата лојалност ги натера фановите на Рома да предзивикаат фешта на улиците .

Најверните навивачи на големо ја поздравија одлуката на големата ѕвезда, па дел од нив се упатиле и кон куќата на Аргентинецот во Рим.

Фановите на римскиот клуб важат за едни од најстраствените во Италија, па во тоа веќе неколку пати се увери и Дибала кој изминатава вечер добил нова таква епизода за повлечениот чекор.

🔥 Si fa festa a #Roma! Tifosi 🟡🔴 sotto casa di #Dybala per ringraziarlo della sua scelta! pic.twitter.com/AIQgkz5RBh

— calciomercato.it (@calciomercatoit) August 22, 2024