Дибала ги импресионираше фановите на Јувентус со еден потег на дуелот со Сампдорија (Видео)

Пауло Дибала е една од најактуелните теми на италијанската фудбалска сцена изминативе недели, а додека чека нов договор од Јувентус, Аргентинецот влезе во гол серија на теренот.

По важниот гол против Удинезе во Серија А, Дибала вчера погоди и против Сампдорија во купот, при што заработи овации од домашната публика.

Тој лесно можеше да стигне и до втор гол на дуелот со Самп, но направи потег со кој ги импресионираше фановите на Јувентус.

Домаќините добија пенал во завршницата, а Дибала реши да му го препушти изведувањето на Алваро Мората, кој беше видно нервозен поради фактот што не успеа да постигне погодок, а притоа му беше поништен и гол по реакцијата на ВАР собата.

Неговиот соиграч и добар пријател сепак му овозможи да се запише во листата на стрелци и да ги постави конечните 4:1.

He could’ve scored a brace but instead he gave the penalty to Morata because he had a disallowed goal previously in the match, a true captain mentality 💎❤️ pic.twitter.com/r2AjDbAxyh

— Divya (@_divyarathod) January 19, 2022