Диа не дозволи славје на Наполи на „Олимпико“ (ВИДЕО)

Екипата на Наполи и трето коло во низа останува без победа во Серија А, а тоа воедно значи дека Интер има шанса да го преземе врвот со победа во дербито со Јувентус.

Избраниците на Конте оваа вечер ремизираа со Лацио, тим кој се покажува многу незгоден за нив затоа што и во третиот меч сезонава не пронаоѓаат начин да го совладаат. Од лацијалите загубија прво во Купот, потоа и на домашен терен во првенството, додека пак денеска на „Олимпико“ мораа да се задоволат со резултат 2-2.

Исаксен во раната фаза донесе предност за домашниот клуб, Распадори во 13 минута возврати и со овие 1-1 потоа се замина на пауза.

Марушиќ со автогол придонесе Наполи да поведе во 64, но Диа во 87 минута стрелаше и донесе поделба на бодовите.

ТУКА погледнете ги сите голови.