Ди Натале откри кој англиски премиерлигаш го сакал по секоја цена: Беа подготвени да направат се за мене

Антонио Ди Натале е жива легенда на италијанскиот фудбал и посебно на фудбалскиот клуб Удинезе, но покрај сите голгетерски капацитети, незгодниот напаѓач ќе биде запаметен и по тоа што во неколку наврати го одбиваше Јувентус.

Ди Натале остана верен на Удинезе и кариерата ја заврши бранејќи ги боите на овој клуб, но како што вели самиот, Јуве не бил единствениот голем клуб кој сакал да го види во нивните редови.

Човекот кој е роден наполитанец мина цели 12 години во Удине, а во период кога важеше за еден од најдобрите напаѓачи во Италија, покрај Јувентус, го одбил и Ливерпул.

– Сакав да останам во Удниезе, се чувствував многу добро и важно во клубот и во градот. Не сакав да доживеам драстична пормена.

– Ливерпул ме сакаше по секоја цена, беа подготвени да направат се за мене, но немаше логика да потпишам за нив откако претходно го одбив Јувентус, – открива Ди Натале.