Ди Марија неколку минути чекаше да влезе во игра, па беше вратен на клупата за резерви (Видео)

Финишот од дерби мечот на вечерта во Лигата на шампионите ни донесе гол на Нејмар со кој ПСЖ ја потврди победата од 1:3, но и една бизарна ситуација во која најголемата жртва беше Анхел Ди Марија.

Аргентинецот од 85-та до 88-та минута чекаше крај аут линијата прекин на играта за да влезе во игра, но кога се чинеше дека тоа ќе се случи, дојде до промена во размислувањата кај тренерот Тухел, откако еден од играчите се пожали на повреда.

Диало не можеше да го доигра мечот и германскиот стручњак не сакаше да ризикува ставајќи офанзивен фудбалер, па Ди МАрија беше вратен на клупата за резерви, а на теренот истрча Геје.

Ова се случи само една седмица по немилата сцена која ја изрежира токму Ди Марија, кој на натпреварот против Лајпциг одби да се поздрави со тренерот Тухел, кој сега направи Аргентинецот да биде резерва на два меча во низа (овој со Јунајтед и оној во домашното првенство).

Ароганција е мал збор: Срамното однесување на Ди Марија кон Рафиња и Тухел му донесе негативни коментари (Видео)